Onte, convocada por todos os sindicatos e organizacións sociais e culturais
conxuntamente, celebrouse unha manifestación en contra dos recortes aprobados
polo Goberno de España.
A pesar de que os principais convocantes eran os sindicatos, cos cales nin
estou de acordo coa súa forma de actuación nin coa súa forma de xestión,
sentinme moi cómodo en devandita manifestación. A ela acudiron persoas de todo
tipo, xunto coas súas familias e iso levanta o orgullo e a resposta de toda a
cidade e da bisbarra de Vigo. Na prensa fálase dunha participación de 150.000
persoas segundo os convocantes e 60.000 segundo a policía local. Dá igual,
aínda no caso da contas da policía local, é un éxito porque a manifestación
central era a de A Coruña. A foto que obtiven demostra a cantidade de xente
participante.
Todo isto é un reflexo da indignación que sofre a cidadanía. Non só polos
recortes, que tamén , senón polas formas e a soberbia coa que o goberno de
España está levando o asunto. Mentres que en Italia a ministra presentaba as
medidas de recorte chorando, aquí en España aprobáronse con aplausos e co xa
famoso “que se jodan”. En canto aos funcionarios, este goberno non está “botando
encima” á sociedade insistindo en que somos uns privilexiados, cando non é
certo. Pero isto sería outro tema a debater. E estaría disposto facelo con quen
quixese.
No Pleno de onte, o noso querido Presidente de Goberno debía ter algún tema
moi urxente que atender para non asistir ao debate e só chegar á hora da
votación. Pregúntome: se tiña asuntos urxentes que atender para que vai votar
se lle sobran votos?. E se non tiña que atender asuntos urxentes, como é
posible que o responsable de todas as actuacións do goberno escóndase e deixe a
papeleta en mans dun ministro?.
Este é
o momento no que a clase política debería estar unida e dar unha imaxe de
confianza no exterior a aos seus cidadáns. Nembargante, un día despois (12 de
Xullo de 2012) de anunciar o Presidente de Goberno os recortes publícase esta
Orde Ministerial no BOE:
O noso Ministro de Facenda anuncia a subida do IVE porque hai moita xente
que non factura o imposto, ao mesmo tempo que está habilitada unha amnistía
fiscal, dinos que non hai unha baixada das retribucións, o que hai é un “retraimiento”
da paga de decembro que queda postergada á súa inclusión no fondo de pensións.
Pero, que é isto?. Tómannos por bobos?.
Por isto e por moito máis, é polo que a sociedade botouse onte á rúa. O que
necesita este país é unha verdadeira reforma estrutural. Apostar por unha
economía produtiva. Que se fixo por atallar o problema da nosa economía?.
Permitir construír de novo en zonas do litoral protexidas?. É esta a reforma
estrutural que se quere acometer?. Agora xa non se fala do I+ D + i, que é o
que pasou?. É mais, fálase do peche do CSIC en Vigo e Santiago.
Remato con estas preguntas para que as persoas que lean estas liñas
reflexionen sobre a clase política que nos goberna? , e sobre ese “mundo
descoñecido” que se chama “mercados”. É que alguén dubida que podendo prestar
diñeiro ao 7% fágase ao 2%?. Por qué non se ataca desde Europa este problema?.
Se hai outra forma de actuar!!!. Non é certo que as medidas que se toman é
porque non hai máis remedio. Se hai outras solucións. Fixémonos nos nosos
veciños e ataquemos o problema onde hai que facelo con valentía e apoiados pola
maioría da cidadanía. Estou seguro, que nestes momentos, a representación
parlamentaria non reflicte as inquietudes da sociedade. Moitos sentímonos
enganados.
Ningún comentario:
Publicar un comentario